За павелічэнне класаў з беларускай мовай навучання

У апошнія гады ў нашай краіне назіраецца заўважны спад цікавасці да беларускай мовы, што з'яўляецца сур'ёзнай праблемай для захавання культурнай спадчыны і нацыянальнай ідэнтычнасці. Важна разумець, што мова – гэта не проста спосаб зносін, але і ключ да ўнікальнага светапогляду, традыцый і каштоўнасцяў нашага народа. Павелічэнне класаў з беларускай мовай навучання стане важным крокам на шляху да адраджэння цікавасці да роднай культуры.
Стварэнне такіх класаў неабходна для фармавання ў моладзі пачуцця гонару за ўласную мову і духоўныя карані. Ва ўмовах глабалізацыі, калі ўплыў рускай мовы і культуры становіцца ўсё больш адчувальным, важна захаваць унікальнасць беларускай мовы. Дадатковыя класы дазволяць больш глыбока вывучаць літаратуру, гісторыю і традыцыі, што ўмацуе сувязь маладога пакалення з іх продкамі.
У сваю чаргу, мы хочам заўважыць, што згодна з артыкулам 17 Канстытуцыі дзяржаўнымі мовамі з'яўляюцца беларуская і руская мова. Закон аб мовах гарантуе забеспячэнне з боку дзяржавы ўсебаковага развіцця і функцыянавання беларускай і рускай мовы ва ўсіх сферах грамадскага жыцця.
Таму мы ніжэйпадпісаныя, просім павялічыць класы з беларускай мовай навучання